کینیڈا جانے کا راستہ ہوا بند، پنجابیوں کو زور سے جھٹکا، پڑھیں پوری خبر

کینیڈا جانے والے پنجابیوں کو بڑا جھٹکا لگ سکتا ہے۔ در اصل ، کینیڈا کی حکومت نے بین الاقوامی طلباء کی امیگریشن سمیت یہاں پہنچنے کے تمام خواہشمندوں کے لئے یکم دسمبر سے فیسوں میں زبردست اضافہ کر دیا ہے ۔ مانا جارہا ہے کہ کینیڈا کی حکومت نے تارکین وطن کا راستہ روکنے کے لیے ایک اور قدم اٹھایا ہے۔مذکورہ فیصلے کو پنجابیوں کے لیے بڑا دھچکا قرار دیا جا رہا ہے اور اس فیصلے سے ان کا بیرون ملک تعلیم حاصل کرنے کا خواب چکنا چور ہو سکتا ہے۔ کہا جا رہا ہے کہ درخواست کی فیس میں اضافے کے ساتھ پروسیسنگ فیس میں بھی اضافہ ہو سکتا ہے۔ ابھی تک ویزا فیس 229 کینیڈین ڈالر سے لے کر 1148 کینیڈین ڈالر تک ہے۔ تقریبا 20 فیصد اضافے کا تخمینہ لگایا جا رہا ہے۔ اس کا براہ راست اثر پنجاب سے جانے والے طلباء پر پڑے گا۔ بتادیں کہ حکومت کینیڈا نے جن درخواستوں کی فیسوں میں اضافے کا اعلان کیا ہے ان میں اسٹوڈنٹ، وزیٹر ویزا، عارضی، نیا اسٹڈی پرمٹ، ورک پرمٹ وغیرہ شامل ہیں۔ یہ ایک واضح اشارہ ہے کہ آنے والے وقتوں میں کینیڈا کا ویزا حاصل کرنا مزید مشکل ہو سکتا ہے۔ جو لوگ کینیڈا جانے کا ارادہ رکھتے ہیں ان کے لیے ضروری ہے کہ وہ نئے قوانین اور فیس میں اضافے کو مدنظر رکھتے ہوئے اپنی درخواست جمع کرائیں۔