حیدرآباد میں شدید بارش ؛ حسین ساگر جھیل سے پانی کا اخراج

حیدرآباد اور اس اطراف کے علاقوں میں پیر کی رات سے جاری وقفہ وقفہ کی بارش کی وجہ سے شہر کے مختلف علاقوں کا پانی حسین ساگر جھیل میں جمع ہورہا ہے جس سے حسین ساگر کی سطح آب لبریز ہوگئی۔ عہدیداروں نے بتایا کہ حسین ساگر کی مکمل آبی گنجائش 513.41 میٹر ہے اور صبح 10:40 تک اس جھیل میں پانی کی سطح 513.63 میٹر تک پہنچ گئی تھی جس کے چند دروازے کھول کر پانی کو نچلے علاقوں میں چھوڑا گیا۔ لوور ٹینک بنڈ اور دیگر علاقوں کے عوام کو چوکس کردیا گیا ہے