بی جے پی نے جموں کے لوگوں کے لئے کیا کیا، فاروق عبداللہ کا سوال

نیشنل کانفرنس کے صدر ڈاکٹر فاروق عبداللہ نے ادھم پور میں صحافیوں سے بات کرتے ہوئے کہا کہ بی جے پی کیسے کہہ سکتی ہے کہ وہ جموں کی تمام سیٹوں پر برتری حاصل کر کے جیت درج کرے گی۔ ان لوگوں نے جموں کے لوگوں کے لیے کیا کیا ہے؟ جہاں نوجوان بے روزگار ہیں، مہنگائی آسمان کو چھو رہی ہے۔ دہشت گردی کو ختم کرنے کا دعویٰ کرنے والی بی جے پی کو دیکھنا چاہیے کہ اب جموں ڈویژن میں بھی دہشت گردی بڑھ گئی ہے۔ پھر جموں کے لوگ ان لوگوں کو ووٹ کیوں دیں گے۔اُنہوں نے دعویٰ کیا کہ جموں و کشمیر میں این سی کانگریس اتحاد حکومت بنائے گا ۔