باغ عنبرپیٹ کے بتکماں کنٹہ کا حیڈرا نے کیا دورہ، عوام میں خوف کاماحول
حیدرآباد کے باغ عنبرپیٹ میں واقع بتکماں کُنٹہ کاحیڈراکے کمشنراے وی رنگاناتھ نے بدھ کے روزدورہ کیا۔انہوں نے اس موقع پرجھیل پرقبضے کے مسئلہ پرمقامی عوام سے گفتگوکی۔جب مقامی افرادنے یہ سوال کیاکہ آیاان کے مکانات منہدم کردیئے جائیں گے، تو کمشنرنے واضح کیاکہ مکانات یا رہائشی علاقوں کو نقصان نہیں پہنچایا جائے گا۔کمشنرنے مزیدکہاکہ بتکما کُنٹہ کی بحالی کا کام دو مہینوں میں مکمل کرلیاجائےگااوریہ کام موجودہ پانچ ایکڑ رقبے تک محدود رہے گا،جس سے رہائشی علاقوں کوکوئی نقصان نہیں پہنچے گا۔اس دوران کانگریس کے سینئر قائد وی ایچ نے بتایا کہ ماضی میں بھی بتکماں کُنٹہ پرقبضہ کی شکایات کی گئی تھیں۔ احتیاطی تدابیرکے طورپرعلاقے میں بڑی تعداد میں پولیس کو تعینات کیا گیا ہے تاکہ کسی ناخوشگوارواقعہ سے بچاجاسکے۔
