بھارت ۔ماریشس کے درمیان شراکت داری کو ایڈوانسڈ اسٹریٹجک پارٹنرشپ کا درجہ دینے پر اتفاق

وزیر اعظم نریندر مودی نے بدھ کو پورٹ لوئس میں کہا کہ ہندوستان-ماریشس پارٹنرشپ کو ایڈوانس اسٹریٹجک پارٹنرشپ کا درجہ دینے کا فیصلہ کیا گیا ہے۔ ماریشس کے وزیر اعظم ڈاکٹر نوین چندر رام غلام کے ساتھ آج ایک مشترکہ پریس کانفرنس سے خطاب کرتے ہوئے وزیر اعظم مودی نے کہا کہ وزیر اعظم نوین چندر رام غلام اور میں نے ہندوستان-ماریشس شراکت داری کو ایڈوانسڈ اسٹریٹجک پارٹنرشپ کا درجہ دینے کا فیصلہ کیا ہے۔ ہم نے یہ بھی فیصلہ کیا ہے کہ ہندوستان ماریشس میں پارلیمنٹ کی ایک نئی عمارت کی تعمیر میں مدد کرے گا، جو ‘مدر آف ڈیموکریسی’ کی طرف سے ماریشس کو تحفہ ہوگا۔