تلنگانہ: گرلز ہاسٹل کی عمارت کے ایک روم کے سلاب کا پلاسٹر گرگیا
تلنگانہ کے ہنمکنڈہ ضلع میں کاکتیہ یونیورسٹی کے پوتنا گرلز ہاسٹل کی عمارت کے ایک روم کے سلاب کا پلاسٹر گرگیا اس وقت کمرہ میں کوئی نہیں تھا جس کی وجہ سے بڑاحادثہ ٹل گیا۔اس واقعہ کے ساتھ ہی طالبات میں تشویش کی لہردوڑگئی۔ یہ سلاب کا پلاسٹرکل شب گرپڑاجس کے نتیجہ میں روم میں رکھا سامان بکھرگیا۔انہوں نے اس واقعہ پر ہاسٹل کے ذمہ داروں پر شدید برہمی کااظہار کیاجس کی ویڈیو سوشیل میڈیا پر وائرل ہوگئی۔ان طالبات کا کہنا تھا کہ چند روز قبل پنکھا گرنے سے ایک طالبہ زخمی ہوگئی تھی۔ اس واقعہ کی اطلاع کے ساتھ ہی طلبہ یونین کے لیڈراورکارکن بڑی تعداد میں وہاں پہنچ گئے جنہوں نے نعرے بازی شرو ع کردی۔
