شمس آباد ایرپورٹ پر جوتے اوربیگ میں چھپا کرلایاگیا سونا ضبط

بیگ میں چھپا کر لائے گئے سونے کو شہرحیدرآباد کے شمس آباد ایرپورٹ پر ایک مسافر کے پاس سے ڈی آرآئی اورایچ زیڈیو کی ٹیم نے ضبط کرلیا۔ ایک اطلاع پر یہ کارروائی کی گئی۔یہ مسافر دبئی سے حیدرآباد پہنچا تھا۔عہدیداروں نے ایرپورٹ کے انٹرنیشنل اریوئیل ہال کے دروازے کے قریب اس کو پکڑا۔ اس سے پوچھ گچھ اوراس کے جوتے و بیگ میں یہ سونا بیٹری کی شکل میں چھپا کررکھاہواپایاگیا۔اس کے پاس ایک زرد دھاتی چین بھی پائی گئی۔ ضبط شدہ 1390.850گرام سونے کی مالیت 1,00,06,909روپئے بتائی گئی ہے۔اس مسافر کو گرفتار کرلیاگیا۔