امریکہ میں پی ایچ ڈی کر رہے طالب علم کو مضمون لکھنا پڑا بھاری، برباد ہو گیا کیریئر، جانئے کیا لکھا تھا
اسرائیل اور حماس کے درمیان جاری تنازع نے ہندوستانی نژاد طالب علم کا کیرئیر تباہ کر دیا۔ امریکہ کی معروف یونیورسٹی میساچوسٹس انسٹی ٹیوٹ آف ٹیکنالوجی (MIT) نے ہندوستانی طالب علم پرہلاد آئینگر کو معطل کر دیا ہے۔ الزام یہ ہے کہ ان کے فلسطین کے حامی مضمون نے کیمپس میں تنا ؤ پیدا کیا اور مظاہروں کو جنم دیا۔ ‘ایم آئی ٹی کولیشن اگینسٹ اپتھائیڈ’ نامی تنظیم نے ‘ایکس’ پر ایک پوسٹ شیئر کی ہے جس میں کہا گیا ہے کہ نیشنل سائنس فاؤنڈیشن کے فیلو پرہلاد آئینگر کو "جنوری 2026 تک معطل” کر دیا گیا ہے۔ تنظیم نے کہا کہ معطلی کے نتیجے میں آئینگر کی پانچ سالہ NSF فیلوشپ ختم ہو جائے گی اور اس کے تعلیمی کیریئر پر شدید اثر پڑے گا۔ اس نے کہا کہ الیکٹریکل انجینئرنگ اور کمپیوٹر سائنس کے شعبہ میں پی ایچ ڈی کے طالب علم آئینگر بدھ کو ایم آئی ٹی میں وائس چانسلر کے سامنے "اس فیصلے کے خلاف اپیل کر رہے ہیں، جو اس ہراسانی کو روکنے اور ان کی تعلیمی وقار کو بحال کرنے کا موقع ہے ۔ تنظیم نے کہا کہ یہ فیصلہ تقریر سے متعلق سرگرمیوں کے نتیجے میںلگائی گئی کئی پابندیوں میں سے سب سے سب سے سخت ہے ۔ ان سرگرمیوں میں مسئلہ فلسطین پر ایک مضمون بھی شامل ہے جس کو آئینگر نے طلبہ کے زیر انتظام میگزین ‘تحریری انقلاب’ کے لیے لکھا تھا۔ معطلی کی وجہ پچھلے مہینے، پرہلاد آئینگر نے تحریری انقلاب نامی کثیر الشعبہ طالب علم میگزین میں ایک مضمون شائع کیا۔ یہ مضمون فلسطین کی حامی تحریک پر مبنی تھا، جس میں انہوں نے مبینہ طور پر متنازعہ خیالات کا اظہار کیا تھا۔ ایم آئی ٹی نے الزام لگایا کہ مضمون میں استعمال کی گئی زبان اور اس میں دکھائی گئی تصاویر پرتشدد مظاہروں کو بھڑکا سکتی ہیں۔ مضمون میں فلسطین کی آزادی کے لیے کام کرنے والی ایک تنظیم کی علامت کا بھی ذکر کیا گیا ہے، جسے امریکی محکمہ خارجہ دہشت گرد تنظیم تصور کرتا ہے۔ ایم آئی ٹی کولیشن اگینسٹ اپتھائیڈ نے پرہلاد کی معطلی پر احتجاج کیا ہے۔ گٹھ بندھن نے ایک بیان میں کہا کہ یہ معطلی غیر منصفانہ ہے اور ایسے معاملات میں عام طور پر ایک غیر رسمی وارننگ دی جاتی ہے۔ پرہلاد کے ساتھ غیر منصفانہ سلوک کیا گیا ہے۔ پرہلاد نے اپنے خلاف عائد پابندیوں کو چیلنج کرنے کا فیصلہ کیا ہے۔ وہ چانسلر کے سامنے اپیل دائر کریں گے۔ اس کے علاوہ ، اس نے MIT انتظامیہ پر دباؤ ڈالنے کی مہم شروع کی ہے۔
