ٹرین کی زد میں آکر معمر شخص کی موت

جعفرآباد تھانہ علاقہ کے رام نگر بھڈسرا گاؤں کے نزدیک پیر کی صبح ٹرین کی زد میں آکر ایک بزرگ کی موت ہوگئی۔تھانہ جعفرآباد کے سربراہ نے بتایا کہ علاقے سے گزرنے والی ریلوے ٹریک پر ایک معمر شخص کی لاش ملنے کی اطلاع ملی۔ اس کی اطلاع ملتے ہی ایس آئی دھنوشدھاری پانڈے فورس کے ساتھ موقع پر پہنچ گئے۔ متوفی کی شناخت لائن بازار علاقہ کے گودھنا الیوم پور گاؤں کے رہنے والے انل شرما (65) کے طور پر ہوئی ہے۔ تفتیش کے دوران معلوم ہوا کہ متوفی صبح کے وقت گھر سے نکلا تھا۔ متوفی کے اہل خانہ میں بیوی اور ایک بیٹا شامل ہے۔ لاش کو پوسٹ مارٹم کے لیے بھیج کر کارروائی کی جا رہی ہے۔