میں پچھڑوں کے لیے کام کر رہا ہوں:راہل گاندھی

احمد آباد میں منعقد کانگریس اجلاس میں لوک سبھا کے اپوزیشن لیڈر راہل گاندھی نے اپنی پارٹی کی تاریخ کے بارے میں بات کی۔ انہوں نے کہا، 100 سال پہلے مہاتما گاندھی کانگریس پارٹی کے صدر بنے تھے اور 150 سال پہلے سردار پٹیل جی کا جنم ہوا تھا۔ یہ دونوں کانگریس پارٹی کی بنیاد ہیں۔انہوں نے کہا کہ میں پچھڑوں کے لیے کام کر رہا ہوں۔ اے آئی سی سی کے اجلاس میں اپوزیشن لیڈر راہل گاندھی نے کہا کہ تلنگانہ میں ذات کی مردم شماری کر کے ہم نے ایک انقلابی قدم اٹھایا ہے۔ انہوں نے کہا، ہمیں یہ پتہ لگانا تھا کہ اس ملک میں کس کی کتنی شرکت ہے۔ میں نے پارلیمنٹ میں پی ایم مودی سے کہا کہ آپ ذات کی مردم شماری کرائیں۔ ملک کو معلوم ہونا چاہیے کہ دلت کتنے ہیں، پچھڑے کتنے ہیں، غریب جنرل کلاس کے کتنے لوگ ہیں۔کانگریس لیڈر راہل گاندھی نے کہا، پی ایم مودی اور آر ایس ایس نے صاف کر دیا ہے کہ ہم ذات کی مردم شماری نہیں کرنا چاہتے ہیں۔ ہم چھپانا چاہتے ہیں۔ میں نے بول دیا، آپ جتنا چھپانا ہے چھپائیے۔ ہم یہاں سے ذات کی مردم شماری پاس کریں گے۔ میں پھر سے کہہ رہا ہوں کہ 50 فیصد آرکانیشن کی جو دیوار ہے، ہم پورے ملک میں توڑ دیں گے۔ ہم جو تلنگانہ میں کیا وہی ہم دہلی میں پورے ہندوستان کے لیے کرنے جا رہے ہیں۔کانگریس لیڈر راہل گاندھی نے بنگلہ دیش اور امریکہ کے ٹیرف مسائل پر پی ایم مودی کو تنقید کا نشانہ بنایا۔ انہوں نے کہا، ہمارے وزیر اعظم کہیں بھی ماتھا ٹیک دیتے ہیں۔ بنگلہ دیش الٹا بیان دیتا ہے اور پی ایم مودی اس کا ساتھ دیتے ہیں۔ ٹرمپ نے پی ایم مودی سے کہا کہ اب گلے نہیں ٹیرف لگائیں گے۔ کہاں گئی پی ایم مودی کی 56 انچ کی چھاتی؟نئے وقف قانون پر راہل گاندھی نے مرکزی حکومت پر حملہ کیا۔ انہوں نے کہا کہ وقف قانون مذہبی آزادی اور قانون پر حملہ ہے۔ راہل گاندھی نے کہا کہ جس پارٹی کے پاس نظریہ ہے، وہی آر ایس ایس بی جے پی کا مقابلہ کر سکتی ہے۔ ہم انگریزوں اور آر ایس ایس کی نظریہ سے لڑے تھے۔ آئین میں کہیں نہیں لکھا ہے کہ یونیورسٹیوں کے وائس چانسلر آر ایس ایس کے ہوں۔