پداعنبر پیٹ میں مگرمچھ سے عوام خوفزدہ
شہر کے مضافاتی علاقہ پدا عنبر پیٹ میں جمعہ کی ابتدائی ساعتوں میں مگرمچھ کو دیکھا گیا جس سے مقامی عوام میں خوف پیدا ہوگیا ۔ انجینئرنگ کالج کے تین طلباء نے اس نو فٹ لمبے مگرمچھ کو دیکھا جو سڑک پار کررہا تھا ۔ طلباء نے مقامی افراد کو اطلاع دی اور پھر پولیس کو بھی طلب کرلیا گیا ۔ پولیس نے محکمہ جنگلات کے ساتھ مل کر جال بچھا کر مگرمچھ کو پکڑ لیا ۔ فاریسٹ رینج آفیسر سائی پرکاش نے بتایا کہمگرمچھ کو نہرو زوالوجیکل پارک منتقل کردیا ۔ عہدیداروں نے بتایا کہ موسیٰ ندی کے پانی کے بہاؤ میں یہ مگرمچھ یہاں تک پہنچ گیا تھا ۔ عثمان ساگر کے دروازے کھولنے کے بعد موسیٰ ندی میں پانی کے بہاؤ میں اضافے کی وجہ سے مگرمچھ تارامتی تک پہنچ گیا ۔
