کانگریس کی تادیبی کارروائی کمیٹی کے روبرو 21 جون کو محمد علی شبیر کی حاضری
تلنگانہ کانگریس کی تادیبی کارروائی کمیٹی نے سابق وزیر محمد علی شبیر کو 21 جون کو کمیٹی کے روبرو پیش ہونے کی ہدایت دی ہے۔ صدر پردیش کانگریس مہیش کمار گوڑ کے خلاف محمد علی شبیر کے بیان سے متعلق آڈیو وائرل ہونے پر تادیبی کارروائی کرنے کمیٹی نے ان سے وضاحت طلب کی ۔ محمد علی شبیر نے تحریری طور پر وضاحت داخل کردی تاہم تادیبی کارروائی کمیٹی نے فریقین کو 21 جون کو کمیٹی کے روبرو طلب کیا ہے ۔ کمیٹی کے صدرنشین ڈاکٹر ملو روی نے کہا کہ کمیٹی فریقین کے دلائل کی سماعت کرتے ہوئے اس تنازعہ کی یکسوئی کرے گی۔ وائرل آڈیو میں پارٹی کے عہدے رقم کے ذریعہ حاصل کرنے کا الزام عائد کیا تھا۔ پردیش کانگریس کے جنرل سکریٹری جی چندر شیکھر ریڈی نے محمد علی شبیر کے خلاف شکایت کی۔ واضح رہے کہ دنوں قائدین کا تعلق کاما ریڈی سے ہے۔ ت ادیبی کارروائی کمیٹی نے دونوں گروپس کی شکایتوں کا جائزہ لیتے ہوئے شخصی طور پر حاضر ہونے کی ہدایت دی ہے۔ چندر شیکھر ریڈی نے ڈاکٹر ملو روی کو اپنے موقف سے تحریری طور پر آگاہ کیا ہے ۔ ملو روی نے کہا کہ پارٹی قائدین کو ایک دوسرے پر الزامات کے بجائے صدر پردیش کانگریس مہیش کمار گوڑ یا تلنگانہ انچارج میناکشی نٹراجن سے رجوع کرنا چاہئے۔
