سرکاری رہائش گاہ پر کانگریس کارکنوں کا حملہ، سابق وزیرہریش راؤ کاالزام

تلنگانہ کی اصل اپوزیشن بی آرایس کے لیڈرو سابق وزیرہریش راو نے الزام لگایا کہ کانگریس کے کارکنوں نے کل شب ان کی سرکاری رہائش گاہ پر حملہ کیا۔انہوں نے کہا کہ کانگریس کارکنوں کا آدھی رات کا حملہ ناانصافی کا ثبوت ہے۔ انہوں نے واضح کیا کہ تالے توڑنا اور املاک کو تباہ کرنا غیر جمہوری ہے۔انہوں نے الزام لگایا کہ حملہ کو روکے بغیر پولیس نے ملزمین کو تحفظ فراہم کیا۔ انہوں نے سوال کیا کہ اگر ایم ایل اے کے پاس سیکورٹی نہیں ہے تو شہریوں کی سیکورٹی کیا ہے؟انہوں نے مطالبہ کیا کہ ڈی جی پی اس واقعہ کے ذمہ داروں کے خلاف کارروائی کریں۔