نیپال میں سیلاب سے متاثرہ 12 اضلاع کو آفت زدہ قرار دیا گیا

نیپال حکومت نے سیلاب سے متاثرہ 12 اضلاع میں آفت کے متاثرہ قرار دیا ہے۔ حکومت نے یہ اعلان آج صبح سنگھ دربار میں کابینہ کے اجلاس میں کیا۔

ان اضلاع کی ترجیحی بنیادوں پر تعمیر نو کی جائے گی ۔ نیشنل ڈیزاسٹر رسک ریڈکشن اینڈ مینجمنٹ اتھارٹی ایگزیکٹو کمیٹی کی سفارشات کی بنیاد پر کابینہ نے ان اضلاع کو آئندہ تین ماہ کے لیے آفات زدہ قرار دیا ہے۔ کابینہ کی میٹنگ کے بعد وزیر داخلہ رمیش لیکھک نے بتایا کہ ان اضلاع میں تاپلے جوڈ، پانچتھر، سنکھواسبھا، کابھرے، للت پور، سولوکھمبو، دولکھا، سندھولی، رامیچھاپ، مکوان پور، سندھوپالچوک اور دھادیڈ شامل ہیں۔ انہوں نے کہا کہ اب ان اضلاع میں راحت اور تعمیر نو کے تمام اختیارات مرکزی حکومت کے پاس ہوں گے۔ ریاستی حکومت اور مقامی حکومت کو مرکزی حکومت کے فیصلے کے مطابق کام کرنا ہوگا۔

قابل ذکر ہے کہ 27 اور 28 ستمبر کو مسلسل بارش کے ساتھ سیلاب اور لینڈ سلائیڈنگ سے ڈھائی سو افراد ہلاک ہو گئے تھے۔ اس دوران 169 افراد زخمی ہوئے۔ وزارت داخلہ کے مطابق 18 افراد تاحال لاپتہ ہیں۔ سیلاب کی وجہ سے ملک میں کئی سڑکیں بند ہیں۔