ہریانہ کے وزیر اعلیٰ سینی کا دہلی حکومت کو جواب – پانی کا بی او ڈی 2-3 ایم جی فی لیٹر
ہریانہ کے وزیر اعلیٰ نائب سنگھ سینی نے دہلی کی عام آدمی پارٹی (اے اے پی) حکومت کے پانی کو گندا بتانے والے بیان کا جواب دیا ہے۔ انہوں نے کہا کہ دہلی کو فراہم کیے جانے والے پانی کی بی او ڈی (بائیو کیمیکل آکسیجن ڈیمانڈ کا مطلب پانی میں نامیاتی مادے کو گلنے کے لیے مائکروجنزموں کے ذریعہ ضروری تحلیل شدہ آکسیجن کی مقدار) تقریباً 2-3 ایم جی فی لیٹر ہوتیہے۔ اس کے علاوہ سی ایل سی نہر کے ذریعہ فراہم کئے جا رہے پانی کا بی او ڈی صفر کے برابر ہوتا ہے۔ انہوں نے کہا کہ دہلی حکومت یہ بتائے کہ دہلی بارڈر اور اوکھلا کے درمیان 28 نالے ہیں، ان میں آلودگی کے لئے کون ذمہ دار ہے؟ سینی نے کہا کہ عام آدمی پارٹی کی دہلی حکومت کی عادت صرف جھوٹ بولنا اور اپنی کمیوں کے لیے دوسروں پر الزام لگانا ہے۔ نائب سنگھ سینی نے آبی آلودگی سے متعلق دہلی کے وزیر اعلیٰ کے دعووں کو مسترد کرتے ہوئے کہا کہ دہلی کو ہریانہ سے اچھا پانی دیا جا رہا ہے۔ وزیر اعلیٰ نے کہا کہ مرکزی حکومت سے جمنا کو صاف کرنے کے لئے دہلی حکومت کو اب تک 6,000 کروڑ روپے سے زیادہ کی رقم مل چکی ہے۔ گزشتہ دو سالوں میں 3000 کروڑ روپے موصول ہوئے ہیں۔ انہوں نے کہا کہ دہلی حکومت بتائے کہ اس رقم کا کیا ہوا؟
