وزیر اعظم کا الموڑہ بس حادثہ پر اظہار افسوس، معاوضے کا اعلان کیا
وزیر اعظم نریندر مودی نے پیر کو اتراکھنڈ کے الموڑہ میں بس حادثے پر غم کا اظہار کیا اور مرنے والوں کے لواحقین کو وزیر اعظم کے قومی ریلیف فنڈ سے دو لاکھ روپے کی ایکس گریشیا رقم دینے کا اعلان کیا۔ وزیر اعظم کے دفتر نے ایکس پوسٹ میں لکھا، اتراکھنڈ کے الموڑہ میں سڑک حادثے میں اپنے پیاروں کو کھونے والوں کے تئیں میری تعزیت۔ اس کے ساتھ میں تمام زخمیوں کی جلد صحت یابی کی دعا کرتا ہوں۔ ریاستی حکومت کی نگرانی میں مقامی انتظامیہ راحت اور بچاؤ کے لیے ہر ممکن کوشش کر رہی ہے، ایک اور پوسٹ میں لکھا گیا ہے کہ وزیر اعظم نے وزیر اعظم کے قومی ریلیف فنڈ سے 2 لاکھ روپے کی ایکس گریشیا رقم کا اعلان کیا ہے۔ الموڑہ حادثے میں ہلاک ہونے والے ہر فرد کے اہل خانہ دو لاکھ اور زخمیوں کو فی کس 50 ہزار روپے دیے جائیں گے۔
