ہندوستانی بحریہ نے بحیرہ عرب میں سری لنکا ئی پرچم والی کشتیوں کو پکڑا، 500 کلوگرام کرسٹل میتھ برآمد
ہندوستانی بحریہ نے بحیرہ عرب میں منشیات کی اسمگلنگ کے شبہ میں سری لنکا کے پرچم والی دو ماہی گیر کشتیوں کو پکڑ لیا۔ تفتیش کے دوران یہ شبہ درست نکلا۔ ہندوستانی بحریہ نے دونوں کشتیوں کے عملے کے ارکان اور برآمد شدہ منشیات سری لنکا کی بحریہ کے حوالے کردی۔ سری لنکا کے اخبار ڈیلی نیوز کی رپورٹ کے مطابق، 24 اور 25 نومبر کو کیے گئے آپریشن کے نتیجے میں تقریباً 500 کلو گرام منشیات کرسٹل میتھ کو ضبط کیا گیا۔ ہندوستانی بحریہ نے منشیات اور عملے کے ارکان کو مزید قانونی کارروائی کے لیے سری لنکا کی بحریہ کے حوالے کر دیا۔ جس نے علاقائی سلامتی کے چیلنجوں سے نمٹنے کے لیے ہندوستان اور سری لنکا کے درمیان مضبوط بحری شراکت داری کی مثال قائم کی ہے۔ یہ کامیابی سمندری گشتی طیاروں اور دور دراز سے چلنے والے طیاروں کی فضائی نگرانی کی وجہ سے حاصل ہوئی۔ گروگرام، انڈیا میں قائم انفارمیشن فیوژن سینٹر کے ان پٹ نے اس مہم کی کامیابی میں بڑا کردار ادا کیا۔ 2018 میں قائم کیا گیا، ہندوستانی بحریہ کا یہ مرکز بحر ہند میں میری ٹائم سیفٹی اور سیکورٹی کو بڑھانے کے لیے کام کرتا ہے۔
