فٹ پاتھ تاجروں نے انسداد تجاوزات مہم کے خلاف زوردار مظاہرہ کیا
گزشتہ کئی دنوں سے شہر میں جاری انسداد تجاوزات مہم کے خلاف شہر کے فٹ پاتھ تاجروں نے متحد ہو کر مظاہرہ کیا ہے۔ فٹ پاتھ تاجروں نے جمعرات کو گنجی پورہ علاقے سے جلوس نکالا۔ جس میں میونسپل کارپوریشن سمیت انتظامیہ کے خلاف شدید نعرے بازی کی اور تجاوزات کے نام پر کی جارہی زیادتی کے خلاف احتجاج کیا۔ تاجروں کا مطالبہ تھا کہ غریب لوگ اپنا چھوٹا سرمایہ لگا کر سڑک کنارے کاروبار کرتے ہیں لیکن میونسپل کارپوریشن چند لیڈروں کے کہنے پر انہیں کاروبار سے بے دخل کرتی ہے۔ تاجروں کا کہنا تھا کہ اس سے ان کے اہل خانہ کی کفالت ہو رہی ہے، ہزاروں لوگوں کو بے روزگار کرنے والی مہم کو روکا جائے۔ کانگریس نے اس تحریک کی کمان اپنے ہاتھ میں لے لی ہے۔ کانگریس کے منوج نام دیو کی قیادت میں ایک بڑے جلوس میں فٹ پاتھ تاجروں کی بڑی تعداد نے شرکت کی۔
