بھارت نے بنگلہ دیش کو شکست دے کر جیتا انڈر 19 ایشیا کپ کا خطاب
اوپنر سلامی بلے بازجی تریشا کی شاندار نصف سنچری اور آیوشی شکلا، سونم یادو اور پورنیکا سسودیا کی عمدہ بولنگ کی بدولت ہندوستان نے اتوار کو یہاں بنگلہ دیش کو 41 رنز سے شکست دے کر پہلا ویمنس انڈر 19 T20 ایشیا کپ جیت لیا۔ تریشا نے 47 گیندوں میں 52 رنز بنائے جس میں پانچ چوکے اور دو چھکے شامل تھے۔ ان کی اننگز کی بدولت بھارت نے پہلے بیٹنگ کرتے ہوئے سات وکٹوں پر 117 رنز بنائے۔ اس کے بعد ہندوستانی اسپنرز نے اپنا جادو دکھایا اور بنگلہ دیش کو 18.3 اوورز میں 76 رنز پر آو¿ٹ کر دیا۔ ہندوستانی بلے بازوں کو تیز گیند باز فرزانہ اسمین کے سامنے جدوجہد کرنا پڑی جنہوں نے چار وکٹیں حاصل کیں۔ ہندوستان کی طرف سے سب سے بڑی شراکت تریشا اور کپتان نکی پرساد نے چوتھی وکٹ کے لیے 41 رنز کی تھی۔ بنگلہ دیش کے سامنے کوئی بڑا ہدف نہیں تھا اور ساتویں اوور میں اس کا اسکور دو وکٹوں پر 44 رنز تھا لیکن اس نے 32 رنز کے اندر اپنی آخری 8 وکٹیں گنوا دیں۔ ہندوستان کی جانب سے ایوشی نے 17 رن پر تین وکٹ، سونم نے 13 رن پر دو وکٹ اور پرانیکا نے 12 رن دے کر دو وکٹیں حاصل کیں۔
