سوپور پولیس نے دو مشتبہ افراد کو گرفتار کیا، اسلحہ گولہ بارود برآمد

سوپور پولیس فوج کی 32 آر آر اور سی آر پی ایف 92 بٹالین نےپولیس اسٹیشن ڈانگیواچہ کے دائرہ اختیار میں لگائے گئے ایک مشترکہ ناکے میں دو مشتبہ افراد جن کے نام راشد احمد بھٹ ولد غلام محمد بھٹ اور ساجد اسماعیل ہارو ولد محمد اسماعیل ہارو ساکنان آروانی بجبہاڑہ کے رہائشیوں کو گرفتار کر لیا گیا۔ان کی ذاتی تلاشی کے دوران ان کے قبضے سے اسلحہ گولہ بارود، موبائل فون وغیرہ برآمد ہوئے۔ اس سلسلے میں ایف آئی آر نمبر 80/24 قانون کی متعلقہ دفعات کے تحت تھانہ ڈنگی وچہ میں درج کر کے تفتیش شروع کر دی گئی۔