ایران اور سوڈان دوطرفہ، علاقائی تعاون کو فروغ دیں گے

ایران اور سوڈان نے پیر کو دو طرفہ اور علاقائی سطح پر تعاون کو فروغ دینے کے مقصد سے دو مفاہمت ناموں (ایم او یو) پر دستخط کئے۔ سرکاری خبر رساں ایجنسی ارنا نے یہ اطلاع دی۔ مفاہمت ناموں پر ایرانی وزیر خارجہ سید عباس عراقچی اور ان کے سوڈانی ہم منصب علی یوسف احمد نے دستخط کیے۔ ارنا کے مطابق، ایک مفاہمت نامہ سفارتی اور سروس پاسپورٹ رکھنے والے ایرانی اور سوڈانی شہریوں کو دو طرفہ ویزے کی چھوٹ دیتا ہے، جب کہ دوسرا سفارتی رابطوں کو بڑھانے کے لیے ایک مشترکہ سیاسی کمیٹی قائم کرتا ہے۔