میلے سے اغوا کر 3 سالہ معصوم کوآندھرا پردیش میں فروخت کیا، پولیس نے ایسے کیا ریسکیو۔۔۔2 لوگ گرفتار
اتر پردیش کے سیتا پور میں پولیس نے ایک 3 سالہ لڑکے کو بازیاب کرایا ہے جسے مبینہ طور پر یہاں سے اغوا کر کے آندھرا پردیش کے ایک جوڑے کو بیچ دیا گیا تھا۔ حکام نے ہفتہ کو یہ جانکاری دی۔ ایک سینئر پولیس افسر نے بتایا کہ کارتک موریہ کو گزشتہ سال 27 دسمبر کو گلزار شاہ میلہ کے علاقے سے اغوا کیا گیا تھا۔ انہوں نے بتایا کہ بچے کو ہفتے کے روز آزاد کر کے اس کے اہل خانہ کے حوالے کر دیا گیا تھا۔ جانئے کیا ہے پورا معاملہ ؟ موصولہ اطلاع کے مطابق پولیس سپرنٹنڈنٹ چکریش مشرا نے بتایا کہ موریہ اپنی ماں اور کنبہ کے ساتھ میلے میں دیکھنے گئے تھے اور شام 5 بجے کے قریب سامان کی خریداری کرتے ہوئے لاپتہ ہوگئے۔ مشرا نے کہا کہ اہل خانہ کی شکایت کی بنیاد پر نامعلوم افراد کے خلاف بسوان پولیس اسٹیشن میں مقدمہ درج کیا گیا ہے۔ تفتیش کے دوران پولیس کو پتہ چلا کہ کارتک کو آندھرا پردیش کے وشاکھاپٹنم میں ایک خاندان کو فروخت کیا گیا تھا۔ مشرا نے کہا کہ 19 مارچ کو پولیس ٹیمیں لڑکے کو بچانے اور اسے بحفاظت گھر پہنچانے کے لیے بھیجی گئیں۔ 2 خواتین کو گرفتار کرمعاملے کی جانچ میں مصروف پولیس ایس پی نے بتایا کہ پولیس کی تفتیش کے دوران بچوں کو اغوا کر کے بے اولاد جوڑوں کو فروخت کرنے والے بین ریاستی گینگ کے ملوث ہونے کا انکشاف ہوا ہے۔ ایس پی نے کہا کہ انسانی اسمگلنگ گینگ میں شامل دو خواتین کو گرفتار کیا گیا ہے، جبکہ دو مردوں – ابھے ورما اور اوماشنکر کے خلاف مقدمہ درج کیا گیا ہے۔ انہوں نے کہا کہ معاملے کی تحقیقات جاری ہیں۔
