مسلم ریزریشن پر تلگودیشم کے موقف میں کوئی تبدیلی نہیں ہوگی: رام موہن نائیڈو

تلگودیشم کے رکن پارلیمنٹ رام موہن نائیڈو نے دوٹوک انداز میں واضح کردیا ہے کہ آندھراپردیش میں مسلم ریزرویشن پر ان کی پارٹی کے موقف میں کسی بھی قسم کی تبدیلی نہیں ہوگی اور اس ریزرویشن کا تحفظ کیاجائے گا۔ انہوں نے قومی دارالحکومت نئی دہلی میں میڈیا سے بات کرتے ہوئے کہا کہ طویل عرصہ کے بعد تلگودیشم پارٹی کا مرکزی وزیر ہوگا،تاحال ہماراکوئی مطالبہ نہیں ہے۔ہمارے تعلقات اتنے مضبوط ہیں کہ ہم مناسب طورپرتبادلہ خیال کے بعد ہی فیصلہ کریں گے ہم کافی خوش ہیں۔ آندھراپردیش کو ترقی دینا ہی ان کی پارٹی کا ویثرن رہا ہے۔انہوں نے کہاکہ دونوں تلگوریاستوں تلنگانہ اورآندھراپردیش کے عوام کی بھلائی کا فیصلہ ان کی پارٹی نے لیا ہے۔ اس کی مناسبت سے ان کی پارٹی کو بہتر خط اعتماد بھی حاصل ہوا ہے۔نریندرمودی کی مدد سے آندھراپردیش کی ترقی کو یقینی بنایاجائے گا۔اے پی کو ترقی کے لئے پوری مدد مرکز سے مل رہی ہے۔