پروفیسر محمد ریحان، سولر فوٹووولٹک انرجی سسٹم کمیٹی کے چیئرپرسن مقرر
علی گڑھ مسلم یونیورسٹی کے سینئر استاد اور شعبہ بجلی کے سابق ممبر انچارج پروفیسر ڈاکٹر محمد ریحان کو بیورو آف انڈین اسٹینڈرڈز کے الیکٹرو ٹیکنیکل ڈویژن کونسل کے تحت سولر فوٹووولٹک انرجی سسٹمز سیکشنل کمیٹی کا چیئرپرسن مقرر کیا گیا ہے۔ یہ کمیٹی ملک میں فوٹو وولٹک سسٹمز کے لئے قومی معیار طے کرتی ہے۔ پروفیسر ریحان فی الحال نیشنل انسٹی ٹیوٹ آف سولر انرجی کے ڈائریکٹر جنرل کے طور پر ڈپوٹیشن پر خدمات انجام دے رہے ہیں، جو وزارت جدید و قابل تجدید توانائی، حکومت ہند کے تحت ایک خود مختار ادارہ ہے۔ پروفیسر ریحان شمسی توانائی کے میدان میں وسیع مہارت رکھتے ہیں اور اس سلسلہ میں مختلف عہدوں پر ذمہ داریاں انجام دے چکے ہیں۔
