ہندوستان کو پیچھے چھوڑبنگلہ دیش نے پاکستان کے ساتھ بڑھائی دوستی ، دونوں ممالک کے درمیان براہ راست پروازوں کا اعلان
بنگلہ دیش نے بھارت کو چھوڑ کر پاکستان سے دوستی بڑھا دی۔ بھارت کے ساتھ بڑھتی ہوئی کشیدگی کے درمیان پاکستان میں بنگلہ دیش کے ہائی کمشنر نے دو طرفہ تعلقات کو مزید مضبوط بنانے کے لیے دونوں ممالک کے درمیان براہ راست پروازیں شروع کرنے کا اعلان کیا ہے۔ ‘ایکسپریس ٹریبیون’ کی رپورٹ کے مطابق یہ بات محمد اقبال حسین نے ہفتہ کو پشاور میں پریس کانفرنس کرتے ہوئے کہی۔ حسین نے دونوں ممالک کے درمیان گہرے اور تاریخی تعلقات پر زور دیا اور سفر اور رابطے کو آسان بنانے کے لیے براہ راست پروازیں قائم کرنے کی خواہش کا اظہار کیا۔ انہوں نے کہا کہ اس طرح کے اقدام سے سیاحت، تعلیم اور تجارت سمیت مختلف شعبوں میں تعاون بڑھے گا۔ تاہم براہ راست پروازوں کے لیے کسی ٹائم لائن کا اعلان نہیں کیا گیا۔ بنگلہ دیش میں شیخ حسینہ کی وزیر اعظم کے عہدے سے برطرفی کے بعد سے دونوں ممالک کے تعلقات میں نمایاں بہتری آئی ہے۔ حال ہی میں بنگلہ دیش کے ایک اعلی فوجی اہلکار نے پاکستان کا دورہ کیا اور دفاعی شعبے میں تعاون کے امکانات تلاش کرنے کے لیے اعلی فوجی حکام سے الگ الگ ملاقاتیں کیں۔
