تمل ناڈو کی ڈی ایم کے حکومت ملک دشمن اور بدعنوانی کی علامت ہے: امت شاہ
مرکزی وزیر داخلہ امت شاہ نے تمل ناڈو کی ڈی ایم کے حکومت کو ملک دشمن اور بدعنوانی کی علامت قرار دیا ہے۔ انہوں نے وزیر اعلیٰ ایم کے اسٹالن اور ان کے بیٹے ادھیاندھی اسٹالن کو اس کے لیے ذمہ دار ٹھہرایا۔ انہوں نے کہا کہ اسٹالن اور ان کے خاندان کے لوگ صرف اپنی بدعنوانی کو چھپانے کے لیے ہندی مخالف مہم چلا رہے ہیں، وزیر اعلیٰ سٹالن پوری ریاست میں یہ مہم چلا رہے ہیں کہ مرکزی حکومت ہندی کو غیر ہندی بولنے والی ریاستوں پر مسلط کر رہی ہے۔ انہوں نے اعلان کیا ہے کہ ڈی ایم کے حکومت ریاست میں ہندی کی اجازت نہیں دے گی۔ کوئمبٹور میں بی جے پی کے ایک پروگرام میں اسٹالن کے الزامات کا جواب دیتے ہوئے، امت شاہ نے کہا کہ بی جے پی کی قیادت والی این ڈی اے حکومت نے ہندی کو فروغ دینے اور اسے مقبول بنانے کے لیے بہت کچھ کیا ہے۔ شاہ نے کہا کہ اسٹالن اور ان کے بیٹے نے کرپشن کو ادارہ جاتی شکل دی ہے۔ شاہ نے کہا کہ 2026 کے اسمبلی انتخابات میں اسٹالن حکومت کا تختہ الٹ دیا جائے گا اور بی جے پی کی قیادت والی این ڈی اے تمل ناڈو میں اگلی حکومت بنائے گی، جو ریاست کو ترقی کی راہ پر لے جائے گی۔
