غبارہ نگلنے سے آٹھ ماہ کا بچہ جاں بحق

شیو پوری میں ایک آٹھ ماہ کے معصوم بچے کی غبارہ نگلنے سے موت ہو گئی۔ نیو بس اسٹینڈ علاقہ کے رہنے والے سنجے سونی کا بیٹا دھنو اتوار کی صبح گھر میں کھیل رہا تھا۔ کھیلتے ہوئے اس نے اپنے منہ میں ایک غبارہ ڈالا جو اس کی سانس کی نلی میں پھنس گیا۔ بچے کی حالت بگڑنے پر اہل خانہ اسے فوراً سدھی ونائک اسپتال لے گئے۔ وہاں سے اسے نوجیون اسپتال بھیج دیا گیا۔ دونوں پرائیویٹ اسپتالوں میں علاج کی سہولت میسر نہیں تھی۔ اس کے بعد گھر والے بچے کو میڈیکل کالج لے گئے۔میڈیکل کالج میں ڈاکٹروں نے فوری علاج شروع کیا۔ انہوں نے بچے کی سانس کی نلی سے غبارہ نکال لیا۔ لیکن کافی دیر تک آکسیجن کی کمی کے باعث بچہ دم توڑ گیا۔ یہ سنجے سونی کا دوسرا بیٹا تھا۔ معصوم بچے کی موت سے پورا خاندان سوگوار ہے۔میڈیکل کالج کے ڈین ڈاکٹر ڈی پرمہنس نے بتایا کہ بچے کو دیر سے لایا گیا تھا۔ اگر اسے بروقت لایا جاتا تو اس کی جان بچ سکتی تھی۔