وزیر اعظم مودی، آر ایس ایس سے متعلق نا زیبا ریمارکس

بی جے پی نے اتوار کے روز پٹنہ میں کانگریس لیڈر کنہیا کمار کے خلاف پولیس میں شکایت درج کروائی جس میں الزام لگایا گیا کہ انہوں نے ایک حالیہ ٹی وی انٹرویو کے دوران وزیر اعظم نریندر مودی اور آر ایس ایس کے خلاف نازیبا زبان کا استعمال کی ہے۔ شکایت میں بی جے پی نے دعویٰ کیا کہ کنہیا کمار نے ایک نیوز چینل کو انٹرویو دیا اور وزیراعظم مودی اور آر ایس ایس کے خلاف انتہائی قابل اعتراض اور غیر ذمہ دارانہ تبصرہ کیا۔بہار میں بی جے پی کے میڈیا انچارج دانش رضوان کی قیادت میں ایک وفد نے پولیس پر زور دیا کہ وہ تبصروں پر کمار کے خلاف ایف آئی آر درج کرے۔ کنہیا کمار جو ٹکڑے۔ٹکڑے گینگ کا حصہ ہیں نے 11 اپریل کو ایک انٹرویو میں وزیراعظم مودی اور آر ایس ایس اور اس کے نظریات کے خلاف نازیبا زبان استعمال کی تھی۔ دانش رضوان نے کہا کہ ہم نے اس کے خلاف پولیس میں شکایت درج کرائی ہے اور فوری طور پر ایف آئی آر کے اندراج کا مطالبہ کیا ہے۔ ہمیں پورا یقین ہے کہ پولیس مناسب کارروائی کرے گی۔کمار کے خلاف قانونی کارروائی پر زور دیتے ہوئے اقبال نے دعویٰ کیا کہ جے این یو کے سابق طالب علم کے ریمارکس نے عوامی جذبات کو ٹھیس پہنچانے اور بدامنی کو ہوا دینے کے مترادف ہے۔