کے کویتا کی عدالتی تحویل میں توسیع

بی آر ایس قائد کے کویتا کی عدالتی تحویل میں دہلی کی ایک عدالت نے14مئی تک توسیع کردی ہے۔سی بی آئی اور ای ڈی امور کی اسپیشل جج کاویری باویجانے تلنگانہ ایم ایل سی کی تحویل میں آج توسیع کی ہے۔ کویتا کے ریمانڈ کے اختتام پر انہیں عدالت میں پیش کیاگیاتھا۔ کاروائیوں کے دوران انفورسمنٹ ڈائرکٹوریٹ نے عدالت کوبتایاکہ تحقیقات اہم مرحلہ پر ہیں۔ توقع ہے کہ اندرون ہفتہ کویتاکے خلاف ایک چارج شیٹ داخل کردی جائے گی۔ آبکاری اسکام سے متعلق منی لانڈرنگ کیس میں بی آر ایس قائد کویتاکے خلاف قانونی کاروائی کی جارہی ہے۔