تلنگانہ: منچریال ٹاون کے ماتا ششو اسپتال میں بجلی کی سپلائی میں رکاوٹ۔ مریضوں کو مشکلات

تلنگانہ کے منچریال ٹاون کے ماتاششو اسپتال میں بجلی کی سپلائی میں رکاوٹ کے نتیجہ میں مریضوں کے علاج میں دشواریوں کا سامنا کرناپڑا۔ یہ واقعہ کل شب پیش آیا۔اس واقعہ پر ردعمل ظاہر کرتے ہوئے مریضوں کے رشتہ داروں نے اسے افسوسناک قراردیا۔ انہوں نے کہاکہ بجلی کی سپلائی متاثر ہونے کی وجہ سے مریض پریشان ہوگئے ہیں۔انہوں نے کہاکہ اسپتال میں جنریٹر کی کوئی سہولت نہیں ہے۔ اسپتال کا عملہ لاپرواہی کا مظاہرہ کررہا ہے۔انہوں نے کہاکہ چھوٹے بچوں کو اس اسپتال میں علاج کے لئے بڑی تعداد میں لایاجاتا ہے اور اس طرح کی صورتحال نامناسب ہے۔ اس اسپتال کو علاج کے لئے بچوں کو لانے والوں کی زیادہ ترتعداد غریبوں کی ہوتی ہے۔حکومت کو چاہئے کہ وہ اس طرح کی صورتحال کے اعادہ سے روکنے کے اقدامات کرے۔