عمر عبداللہ نے گرو نانک دیو جی جینتی پر مبارکباد پیش کی

جموں و کشمیر کے وزیر اعلیٰ عمر عبداللہ نے گرو نانک دیو جی کے گُروپُرب کے موقع پر سکھ برادری کو مبارکباد پیش کی۔ وزیر اعلیٰ نے اپنے پیغام میں کہا کہ گرو نانک دیو جی کی تعلیمات ہمدردی، اتحاد اور بے لوث خدمت کا پیغام دیتی ہیں اور مختلف برادریوں کے درمیان اخوت اور بھائی چارے کو فروغ دیتی ہیں۔ انہوں نے کہا کہ ہمیں ایک ایسا معاشرہ تشکیل دینا چاہیے جو باہمی ہم آہنگی، احترام اور شمولیت پر مبنی ہو۔ وزیر اعلیٰ نے اس موقع پر خوشی کا اظہار کرتے ہوئے امید ظاہر کی کہ گرو نانک دیو جی کی تعلیمات کا پیغام جموں و کشمیر میں امن، اتحاد اور خوشحالی کو فروغ دیتا رہے۔