ایم سی سی کی خلاف ورزی پر کانگریس اور بی جے پی کو کمیشن کا نوٹس

الیکشن کمیشن نے بھارتیہ جنتا پارٹی اور کانگریس دونوں کو مہاراشٹرا اور جھارکھنڈ میں اسٹار پرچارکوں کے ذریعہ مبینہ ماڈل کوڈ آف کنڈکٹ (ایم سی سی) کی خلاف ورزیوں پر الگ الگ نوٹس جاری کیا ہے۔ کانگریس کے صدر ملکارجن کھڑگے اور بھارتیہ جنتا پارٹی کے صدر جے پی نڈا کو لکھے ایک خط میں کمیشن نے ان سے پیر کو دوپہر ایک بجے تک ان کے خلاف موصول ہونے والی شکایات کا جواب دینے کو کہا ہے۔ بی جے پی نے 11 نومبر کو کمیشن سے شکایت کی تھی، کانگریس نے 13 نومبر کو دو شکایتیں کی تھیں۔