285 کروڑ کی لاگت سے جھارکھنڈ دھام کی ہمہ جہت ترقی کی جائے گی: امت شاہ

بھارتیہ جنتا پارٹی کے سینئر لیڈر اور وزیر داخلہ امت شاہ نے کہا کہ جھارکھنڈ میں حکمراں ہیمنت سورین حکومت کی غلط پالیسیوں کی وجہ سے ریاست ترقی میں پیچھے ہے۔ جھارکھنڈ کی ترقی کو قومی پلیٹ فارم پر لانے کے لیے ریاست میں ہیمنت سورین حکومت کو تبدیل کرنے کی ضرورت ہے۔ شاہ ہفتہ کو بابولال مرانڈی کی حمایت میں منعقدہ انتخابی ریلی سے خطاب کر رہے تھے۔ انہوں نے کہا کہ پچھلی بار انہوں نے جلسہ عام میں جھارکھنڈ دھام کی ترقی پر تبادلہ خیال کیا تھا اور وزیر اعظم مودی نے جھارکھنڈ دھام کی ترقی کے لیے 285 کروڑ روپے کی منظوری دی تھی جس سے شیو کے اس منفرد دھام کی ہمہ جہت ترقی ہوگی۔اس میٹنگ میں مرکزی وزیر اور جھارکھنڈ بی جے پی کے ریاستی الیکشن انچارج شیوراج سنگھ چوہان، آسام کے وزیر اعلیٰ ہمانتا وشوا سرما، سابق ایم پی اور ریاستی صدر رویندر رائے موجود تھے۔قابل ذکر ہے کہ بی جے پی کے ریاستی صدر بابولال مرانڈی دھنور اسمبلی سیٹ سے امیدوار ہیں اور یہ سیٹ بی جے پی کے لیے وقار کی سیٹ بنی ہوئی ہے۔