راہل گاندھی پر ایکشن کی تیاری؟ چین – امریکہ پر پارلیمنٹ میں کہی ایسی بات، بی جے پی ہوئی آگ ببولہ

راہل گاندھی اکثر اپنے بیانات کی وجہ سے سرخیوں میں رہتے ہیں۔ پیر کو پارلیمنٹ میں بجٹ پر بحث کے دوران انہوں نے چین اور امریکہ کے بارے میں ایسی باتیں کہیں، جس سے بی جے پی غصے میں آگئی ہے۔ بی جے پی نے اسے ایشو بنا لیا ہے اور اب ان کے خلاف پارلیمنٹ میں استحقاق کی خلاف ورزی کی تحریک لانے کی تیاری کر رہی ہے۔ راہل گاندھی نے دعویٰ کیا کہ چین اب بھی ہماری زمین کے 4000 مربع کلومیٹر سے زیادہ پر بیٹھا ہے۔ وزیر اعظم نریندر مودی نے اسے خارج کر دیا۔ فوج نے وزیراعظم مودی کے بیان سے اختلاف ظاہر کیا ہے۔ اس پر مرکزی وزیر کرن رجیجو نے اعتراض کیا۔ انہوں نے کہا کہ آپ ایوان میں جو چاہیں کہہ نہیں سکتے۔ یہ ٹھیک نہیں ہے اور یہ ایک سنگین معاملہ ہے۔ آپ نے ملک کی شبیہ کو نقصان پہنچانے والی بات کہی ہے۔ وزیراعظم کی کرسی کی توہین کی اور پارلیمنٹ کے وقار کو نقصان پہنچانے کی کوشش کی۔ وہیں وزیر خارجہ ایس جے شنکر کے حالیہ دورہ امریکہ پر ۔ راہل گاندھی نے عجیب تبصرہ کیا۔ انہوں نے کہا کہ وزیر خارجہ کو کئی بار امریکہ بھیجا گیا تاکہ وزیراعظم مودی کو ڈونلڈ ٹرمپ کی حلف برداری کی تقریب کا دعوت نامہ مل سکے۔ کرن رجیجو نے اسے شرمناک بتایا۔ انہوں نے کہا کہ اپوزیشن لیڈر یہ کیسے کہہ سکتے ہیں۔ وزیراعظم اور پورا گورننس سسٹم ایک ہے۔ رجیجو نے کہا کہ بی جے پی کے ارکان پارلیمنٹ یا تو راہل گاندھی سے لوک سبھا میں کئے گئے دعووں کے ثبوت مانگیں گے یا پارٹی ان کے خلاف استحقاق کی خلاف ورزی کی تحریک لائے گی۔ مرکزی وزیر کرن رجیجو نے ایک اور تبصرہ کے لیے راہل گاندھی کی تنقید کی۔ انہوں نے کہا کہ 2-3 سالوں میں راہل گاندھی ایس سی، ایس ٹی، او بی سی کی بات کرتے رہے ہیں۔ وزیر اعظم ملک کے سب سے بڑے او بی سی چہرہ ہیں۔ کیا انہیں یہ نظر نہیں آتا ؟ ملک کے وزیر اعظم ایک او بی سی ہیں۔ وہ دنیا کے مقبول ترین لیڈر ہیں۔ کیا انہیں یہ نظر نہیں آتا؟