مدھیہ پردیش میں 4 مارچ سے بدلے گا موسم، بادل اور بارش کا امکان، درجہ حرارت 2 سے 4 ڈگری بڑھ سکتا ہے
مدھیہ پردیش میں رات کو سردی اور دن میں گرمی کا احساس جاری ہے۔ آنے والے دنوں میں دن اور رات کے درجہ حرارت میں اضافہ ہوگا۔ فی الحال دن اور رات کے درجہ حرارت میں 2 سے 5 ڈگری تک اضافہ ہوسکتا ہے۔ مارچ کے پہلے ہفتے میں آسمان ابر آلود رہنے اور ہلکی بارش کے بھی امکانات ہیں۔ محکمہ موسمیات کا کہنا ہے کہ مغربی-شمالی ہندوستان میں 2 مارچ سے ویسٹرن ڈسٹربنس سرگرم ہو رہا ہے۔ جس کا اثر ریاست میں بھی دیکھا جا سکتا ہے۔ خاص طور پر 4 مارچ سے اندور، گوالیار اور چمبل حصوں میں کچھ مقامات پر موسم بدل سکتا ہے۔ اس سے قبل دن اور رات کے درجہ حرارت میں 2 سے 4 ڈگری کا اضافہ ہوگا۔ فروری میں ریاست میں موسم کا ملا جلا اثر رہا۔ ابتدائی دنوں میں شدید سردی تھی لیکن دوسرے ہفتے سے سردی غائب سی ہوگئی۔ بھوپال، اندور، گوالیار، اجین، جبل پور سمیت کئی شہروں میں رات کا درجہ حرارت 10 ڈگری سے زیادہ رہا۔ وہیں دن میں درجہ حرارت 34 ڈگری تک پہنچ گیا ہے۔ فروری کے آخری دن جمعہ کو موسم کا مزاج ایسا رہے گا تاہم مارچ کے پہلے ہفتے میں موسم میں تبدیلی دوبارہ دیکھی جا سکتی ہے۔ شمال مغربی ہندوستان میں سرگرم ویسٹرن ڈسٹربنس کا اثر ریاست میں 2 دن کے بعد یعنی 4 مارچ سے دیکھا جا سکتا ہے۔ اس کے علاوہ ایک سائیکلونک گردشی نظام بھی فعال ہے۔ اس کی وجہ سے بھوپال سمیت کئی شہروں میں بادل چھائے رہے۔
