بہار کے موسم میں لگاتار اتار چڑھاؤ،حاجی پور کی ہوا کا معیار سب سے خراب

بہار کے درجہ حرارت میں اتار چڑھاؤ جاری ہے۔ ریاست کے کئی اضلاع میں کم سے کم درجہ حرارت معمول سے زیادہ ہے۔ شام ڈھلتے ہی ٹھنڈی مغربی ہوا کی وجہ سے لوگ بے چینی محسوس کر رہے ہیں۔ اس کے علاوہ ہوا کا معیار بھی خراب ہو گیا ہے۔ مرکزی آلودگی کنٹرول بورڈ کے اعداد و شمار کے مطابق ان دنوں شام کے وقت ہوا کا معیار خراب ہوتا جا رہا ہے۔ 22 نومبر کی رات 12 بجے تک حاجی پور کا اے کیو آئی – 384، بیتیا 331، راجگیر 330، مظفر پور 316 اور بکسر کا اے کیو آئی – 304 درج کیا گیا۔ ان اضلاع کی ہوا ریڈ زون یعنی خطرناک زمرے میں ہے۔ اس کے علاوہ راجدھانی پٹنہ کااے کیو آئی 237 درج کیا گیا ۔گذشتہ کئی دنوں سے دیکھا جا رہا ہے کہ شام کے قریب آتے ہی ہوا کا معیار خراب ہوتا جا رہا ہے۔ حاجی پور کی فضا کئی دنوں سے انتہائی خراب ہے۔ پٹنہ کے موسمیاتی مرکز کے سائنسدانوں کے مطابق فی الحال صبح کے وقت ریاست کے بیشتر اضلاع میں ہلکی سے درمیانی دھند چھائی رہے گی۔ دن کے وقت موسم صاف رہنے کی پیشن گوئی کی گئی ہے۔ اس دوران شمالی بہار کے بیشتر اضلاع میں درمیانے درجے کی دھند چھائی ہوئی ہے۔ اطلاعات کے مطابق آئندہ ہفتے سے سردی میں اضافے کا امکان ہے ۔ آج یعنی 22 نومبر کو بہار کے بیشتر اضلاع میں صبح کے وقت ہلکی سے درمیانی دھند چھائی رہے گی۔ دن کے وقت آسمان صاف اور دھوپ رہے گا۔ شام کو کانکنی شروع ہو جائے گی۔